احنا ليه صغفاء كده يلا بينا نقاطع موبينيل.......

من طرف **loola** الثلاثاء ديسمبر 04, 2007 7:49 pm

السلام عليكم ورحمة الله وبركاته

اخواني واخواتي الكرام

كلامي اليوم عن المدعو نجيب ساويرس صاحب شركة موبينيل ومجموعة أوراسكوم

عاد المدعو منذ أيام قليلة ينتقد المحجبات ويقول بأني أشعر بالغربة عندما أسير في الشوارع وأشوف الحجاب، بحس إني في إيران !!!

بيقول ان الحجاب بقى بيميز بين المسلمين والمسيحيين على حد تعبيره، وده ضد الديموقراطية والمساواة والكلام الفارغ بتاع الدول الغربية

طبعا الي يقرا كلامه هيشوف مدى جهل البني آدم ده

مش هطول في الكلام وهسيبكم تقروا تصريحاته بنفسكم، انا عايز احرق دمكم شوية معلش استحملوا

الرابط الأول

الرابط الثاني

يا جماعة الخير

احنا ليه منعملش حملة مقاطعة جدية وجريئة للشخص ده؟

الي معاه خط موبينيل يرميه في أقرب مقلب زبالة

ميحزنش انه معاه نمرة لقطة والكلام ده وأصل أصحابي كلهم معاهم رقمي، عندنا شركتين تانيين محترميين على الأقل محدش فيهم بيهاجم ديننا وكل يوم والتاني يطلع تصريحات مستفزة

الي مشترك مع لينك دوت نت في خدمة الدي اس ال يغيرها لأي شركة تانية

عندكم راية وعندكم تي اي داتا محترمين وخدمات ممتازة

مبقاش فاضل غير ساويرس الي هيعلم المسلمين يلبسوا ايه وميلبسوش ايه، مفاضلش غير ساويرس الي عمل ثروته من جيوب المصريين انه هيعرفهم دينهم ويعرب بناتنا ان حجابهم ده تخلف ورجعي

كل الي بيتعامل مع اي شركة من شركات ساويرس يلغي تعامله معاها، مش ساويرس الي مجابتوش ولادة ومش هنموت لو استغنينا عن خدماته وشركاته

فاكرين المقاطعة الي قمنا بيهما من كم سنة لما موبينيل غيرت نظام مدة الصلاحية والسماح بتاعة كروت الشحن؟ مقدرتش تستحمل شهرين وخسايرها كانت بالملايين في كم يوم بس وفي الآخر رجعت عن قرارها ونفذت الي الشعب عايزه

ايوة نقاطع كل شركاته ميلزمناش ادفع فلوس لواحد مبيحترمش اساسيات ديني، محطش فلوسي في جيب واحد بيهين ديني وبيهين بنات المسلمين علشان خاطر مش قادر استغنى عن رقمي وأصل موبينيل عاملة عروض حلوة والكلام ده، خلينا ناس أقوياء فعلا ونقدر نثبتلهم اننا فوق التفاهات والإغراءات دي كلها، الي يعرف صديق وقريب وصاحب وزميل وحد من قرايبه وأهله يقولهم على الي بيحصل، وكلنا نتكاتف ونتحد قدامه ومش بفلوسنا يا ساويرس

الراجل ده بفلوسه هيقدر يطلع القناتين الي ناوي يعملهم على اول السنة الجديدة وهتبقى حرب علنية، ومحدش يقول يعني هي جت عليا انا، ايوة لو انا وانت وانتي وكلنا نفذنا وكنا جديين هنعمل تأثير وهيكون لينا صوت مسموع في كل مكان